Ministrja e Shëndetësisë Ogerta Manastirliu është takuar sot në Gjenevë me drejtorin e OBSH-së Tedros Adhanom Ghebreyesus për të mbështetur Traktatin e Pandemisë.
Manastirliu shkruan se Traktati i Pandemisë është një instrument thelbësor për koordinimin mes shteteve në këtë moment.
Postimi i Manastirliut:
Gjenevë – Takim i rëndësishëm me Drejtorin e Përgjithshëm të Organizatës Botërore të Shëndetësisë, dr. Tedros Adhanom Ghebreyesus, për të mbëshetur #TraktatinEPandemisë, si një instrument thelbësor për koordinimin mes shteteve në këtë moment, jo vetëm për përgjigjen ndaj pandemisë Covid-19 por edhe për të forcuar arkitekturën e sistemeve shëndetësore në përballimin e emergjencave./albeu.com
