Manastirliu: Greqia i dhuron Shqipërisë 100 mijë vaksina AstraZeneca, mbërrijnë në ISHP

Ministrja e Shëndetësisë Ogerta Manastirliu, përmes një postimi në Facebook, ka njoftuar se në ISHP kanë mbërritur 100 mijë vaksina AstraZeneca, dhuratë nga Greqia.

Ministrja gjithashtu bën të ditur se deri më tani, në vend, kanë mbërritur mbi 1 milion vaksina.

“100,000 vaksina AstraZeneca sapo kanë mbërritur në Institutin e Shëndetit Publik, falë solidaritetit dhe mbështetjes së qeverisë së Republikës së Greqisë për Shqipërinë

1,220,070 vaksina anticovid kanë mbërritur deri tani në vendin tonë. Jemi të vendosur për të vijuar pa u ndalur me planin kombëtar të vaksinimit, derë më derë, për mbrojtjen e jetës dhe shëndetit të qytetarëve”, shkruan Manastirliu./albeu.com

Shtuar 8.07.2021 09:35