Mëngjesi i sotëm ka nisur me një ngjarje tronditëse në Laç. Në vendin e quajtur “Sanxhak” është vrarë me armë zjarri një person.
Burime bëjnë me dije se viktima është Pilot (Rakip) Rroli, rreth 55 vjeç.
Mësohet se Rrolit i kanë dalë përpara dy persona që kanë qenë në këmbë dhe e kanë ekzekutuar me kallash.
Viktima njihej si biznesmen i tregtimit të materialeve të ndërtimit.
Emri i tij nuk ishte i panjohur për policinë, pasi edhe në të kaluarën është skeduar për konflikte.
Në vitin 2011 ai është përfshirë në plagosjen e një 22-vjeçari në fshatin Gjorm, ku së bashku me Petrit Sana rrahën me sende të forta të riun, duke e plagosur rëndë, pas një sherri për motive banale.
Njoftimi i Policisë:
Kurbin/Informacion paraprak
Rreth orës 08:45 ,në Sanxhak, Kurbin. në rrethana ende të paqarta është vrarë me armë zjarri shtetasi P.Rr, i cili po udhëtonte me automjetin e tij.
Shërbimet e Policisë kanë rrethuar zonën, si dhe janë ngritur pika kontrolli, me qëllim kapjen e autorit./albeu.com
