Akoma ka mbetur mister sesi janë plagosur dy efektivët e policisë në Mamurras.
Bashkë me Flamur Llejën dhe Ilir Zekajn, është plagosur edhe një qytetar i identifikuar si Nikoll Vorfi.
Një prej policëve mësohet se ka marrë plagë në këmbë ndërsa tjetri është qëlluar me sende të forta, , ndërkohë që nuk dihet nëse mes palëve ka pasur një konflikt të çastit apo një konflikt i mbartur në kohë.
Drejt vendit të ngjarjes janë nisur drejtori i Përgjithshëm i Policisë së Shtetit Ardi Veliu bashkë me drejtorin e departamentit të Policisë Kriminale Tonin Vocaj.
Ndërkohë për sqarimin e rrethanave të ngjarjes në ndihmë të policisë së Mamurrasit kanë shkuar edhe grupet e Forcave të Ndërhyrjes së Shpejtë Shkodër dhe grupi hetimor nën drejtimin e Prokurorisë.
