Përfaqësues të komuniteteve rome dhe egjiptiane në Korçë paraqitën shqetësimet e tyre gjatë një takimi me drejtues dhe zyrtarë të institucioneve vendore. Çështjet e diskutuara përfshinë legalizimet, arsimin, punësimin dhe mbrojtjen e zanateve tradicionale, ndërsa u kërkua angazhim më i madh institucional për trajtimin e tyre.
Vështirësitë për t’u përfshirë në tregun e punës vijojnë të mbeten një problem i rëndësishëm, sidomos për pjesëtarët e komunitetit egjiptian, të cilët kërkuan krijimin e më shumë mundësive për punësim dhe integrim.
Të lidhura
None found
Në përgjigje të kërkesave të paraqitura, kryetari i Këshillit të Qarkut Korçë, Petrika Tollkuçi, siguroi se institucioni që drejton do të ofrojë mbështetje për adresimin e problematikave të ngritura.
Pjesë e diskutimit ishin gjithashtu përfaqësues nga institucione të tjera vendore. Takimi synoi shqyrtimin e shqetësimeve dhe identifikimin e zgjidhjeve konkrete në ndihmë të komuniteteve rome dhe egjiptiane në Korçë.
