Një numër i madh automjetesh ka shkaktuar trafik të rënduar në rrugën Elbasan–Tiranë, ku janë krijuar radhë kilometrike dhe drejtuesit po përballen me pritje të gjata.
Vështirësitë më të mëdha janë regjistruar pranë rrethrrotullimit të Bradasheshit. Në këtë segment, lëvizja është ngadalësuar ndjeshëm dhe qarkullimi paraqitet thuajse i paralizuar.
Të lidhura
None found
Shërbimet e Policisë Rrugore janë angazhuar në terren për të orientuar dhe menaxhuar trafikun, ndërsa intensiteti i lartë i lëvizjes ka tejkaluar kapacitetin normal të aksit.
Fluksi lidhet me kthimin e shumë qytetarëve drejt Tiranës pas përfundimit të fundjavës. Drejtuesve të mjeteve u bëhet thirrje të tregojnë durim dhe kujdes gjatë udhëtimit.
