Një fotograf nga West Midlands po përpilon një libër me foto të bëra tre dekada më parë që dokumenton jetën e përditshme në Ukrainën e viteve 1990.
Ish-diplomati i Ministrisë së Jashtme Peter Ford është duke e vetëfinancuar librin, me të ardhurat nga shitjet që shkojnë për bamirësi.
Koleksioni prej 300 fotografish, që pritet të dalë në treg pas disa javësh, do të quhet “Kiev – Momente në Kohë”.
“Këta njerëz me të cilët kam punuar po vuajnë [në luftë sot]. Thjesht mendova ‘çfarë mund të bëj’?”, tha Ford.
Në mbrëmjet e verës, çiftet e të moshuarve kërcenin nën muzikën e violinës dhe fizarmonikës në Sheshin e Pavarësisë
Fotot përfshijnë një periudhë prej tre vjetësh midis 1996 dhe 1999, kur zoti Ford, nga Walsall, ishte i vendosur në kryeqytetin e Ukrainës.
Ai punonte për Ministrinë e Jashtme, ndërkohë që punonte si fotograf i pavarur për agjencinë e lajmeve Associated Press (AP).
Parathënia e librit të tij, shkruar nga ish-kolegu i AP, Efrem Lukatsky, e përshkroi fotografin “me shtat të madh” si një figurë “të dukshme” dhe të paharrueshme në rrugët e qytetit.
“Pak është ruajtur në fotografitë e asaj periudhe të jetës ukrainase dhe veprat e Peter janë një kontribut i paçmuar në historinë e Ukrainës”, shkroi Lukatsky.
