Ditën e sotme ishte planifikuar të mbahej seanca gjyqësore ndaj ish-ministrit të Brendshëm, Saimir Tahiri, i cili është dënuar me 3 vite e 4 muaj burg për përfshirje në trafikun e drogës.
Tahiri kërkon që t’i njihen ditët e paraburgimit dhe lehtësirat nga qëndrimi atje.
Më herët ishte kërkuar përjashtimi i gjyqtarit Elis Dine, i cili është zëvendësuar nga Elton Frashëri.
Frashëri kërkon kohën e mjaftueshme për t’u njohur me përmbajtjen e dosjes gjyqësore.
Gjithashtu edhe në nisje të seancës, Tahiri nuk ka qenë i pranishëm në sallën e gjyqit dhe trupi gjykues pritet të marrë një vendim për një tjetër datë për seancën gjyqësore.
