Policia ka zbardhur ngjarjen e ndodhur në Kamëz, ku një i ri dyshohet se hapi zjarr në drejtim të një biznesi.
Sipas uniformave blu, rreth orës 20:25, në Babrru, është qëlluar me armë zjarri ndaj një subjekti të mbyllur, konkretisht një servisi celularësh, ndërsa autori i dyshuar është larguar menjëherë nga vendi i ngjarjes.
Të lidhura
None found
Pas njoftimit, shërbimet e Policisë kanë mbërritur menjëherë në vendngjarje dhe kanë nisur ndjekjen e autorit të dyshuar. Rreth 3 kilometra larg vendit ku ndodhi ngjarja, ato bënë të mundur kapjen dhe shoqërimin e shtetasit R. M., rreth 18 vjeç, për vijimin e veprimeve procedurale.
Deri tani, nuk raportohet për persona të dëmtuar apo të lënduar. Ndërkohë, grupi hetimor vijon punën për të sqaruar rrethanat e rastit dhe për të bërë dokumentimin e plotë ligjor të tij.
