Janë zbuluar detaje të tmerrshme nga vdekja e minatorit 65 vjeçar në Bulqizë, ngjarje e ndodhur ditën e djeshme.
Viktima, Mustafa Kamishi, ndërroi jetë teksa po shkonte në punë, me një varkë të improvizuar më të cilët minatorët kalonin rezervuarin për të hyrë në fabrikën e kromit, në pronësi të Bukurosh Koçit.
Të tre minatorët kanë humbur ekuilibrin duke përfunduar në zonën e grumbullimit të ujërave kulluese, gjë që ka sjellë edhe vdekjen e Kamishit.
Pasi kanë mundur të nxjerrin trupin e mikut të tyre, dy miqtë Rruzhdi Koçi dhe
Avni Alliu kanë tentuar të fshehin ngjarjen, duke e trajtuar si vdekje natyrale. Por kanë përfunduar në pranga e Policisë së Shtetit. Bashkë me ta është arrestuar edhe drejtori i fabrikës, Islam Nika, 53 vjeç, banues në Tiranë, i cili akuzohet se ka shkelur rregullat e mbrojtjes në punë si dhe ka tentuar të fshehë ngjarjen.
Ngjarja e rëndë u regjistrua pasditen e djeshme, ndërsa fillimisht u raportua se 65-vjeçari, punëtor i ferrokromit, mund të kishte pësuar atak kardiak. /albeu.com/
