Tuneli i Llogarasë vazhdon të përdoret pa pagesë edhe në këtë sezon turistik, ndonëse më herët ishte raportuar se tarifa mund të aplikohej që në fillim të qershorit.
Nga verifikimet e kryera sot në pikën e kalimit rezultoi se automjetet qarkullojnë pa pengesa dhe pa paguar. Kamerat e instaluara në traun e pikës së pagesës regjistrojnë drejtuesit e mjeteve, të cilët më pas vijojnë udhëtimin lirshëm.
Të lidhura
None found
Edhe pse personeli përkatës ndodhet në pikën e pagesës, informacionet e siguruara tregojnë se ende nuk është përcaktuar zyrtarisht një datë për nisjen e tarifimit të përdoruesve të tunelit.
Për qytetarët dhe pushuesit kjo është një situatë e favorshme, pasi të paktën deri në këtë moment mund ta përshkojnë pa pagesë Tunelin e Llogarasë gjatë sezonit veror.
