Policia e Elbasanit, ka arritur finalizimin e dy operacineve të njëpasnjëshme kundër kalimit të paligjshëm të emigrantëve drejt Evropës.
Në prangat e policisë kanë rënë tre persona në aksin Librazhd-Elbasan, pas tentativës për të kaluar ilegalisht 24 emigrantë të paligjshëm.
Të lidhura
None found
Sipas njoftimit të policisë, njëri prej tyre e drejtonte automjetin me të ciin po bëntë transportimin e emigrantëve pa leje drejtimi. Të arrestuarit janë Aleksandër Rira (23-vjeç), Denis Çollaku (24-vjeç) dhe Florjan Mustafa (22-vjeç)
NJOFTIMI:
“DVP Elbasan/Finalizohen nga Seksioni për Hetimin e Trafiqeve, 2 operacione të njëpasnjëshme kundër dhënies ndihmë emigrantëve, për kalim ilegal të kufijve drejt BE-së.
Kapen në aksin “Librazhd–Elbasan”, dhe vihen në pranga 3 shtetas që transportonin në 2 raste, 24 emigrantë që kishin hyrë ilegalisht, në Shqipëri.
Njëri prej tyre e drejtonte automjetin me të cilin transportonte emigrantët, pa leje drejtimi.
Sekuestrohen 2 automjetet.
Si rezultat i administrimit të shpejtë të informacioneve të siguruara në rrugë operative, për shtetas të përfshirë në veprimtarinë kriminale të transportimit kundrejt pagesave, të emigrantëve nga Vendet e Treta, të cilët synojnë të shkojnë ilegalisht, në shtete të BE-së, specialistët e Seksionit për Hetimin e Trafiqeve, në bashkëpunim me shërbimet e Forcës së Posaçme Operacionale dhe Forcës së Posaçme “Shqiponja”, finalizuan 2 operacione të njëpasnjëshme në këtë fushë.
Konkretisht, nga 2 ndërhyrjet e kryera në aksin rrugor “Librazhd–Elbasan”, u finalizuan operacionet e koduara:
-“Aksi”, gjatë të cilit u arrestua në flagrancë, duke transportuar 14 emigrantë, shtetasi F. M., 22 vjeç, banues në Elbasan;
-“Aksi 01”, gjatë të cilit u arrestuan në flagrancë, duke transportuar 10 emigrantë, shtetasit A. R., 23 vjeç dhe D. Ç., 24 vjeç, të dy banues në Përrenjas. Nga verifikimet e mëtejshme, rezultoi se shtetasi A. R. e drejtonte automjetin me të cilin transportonte emigrantët, pa leje drejtimi.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.”
