Një 60-vjeç nga Fieri është arrestuar si dhe është shpallur në kërkim shtetasin një 29-vjeç, pasi gjatë kontrollit të ushtruar në banesën e tyre janë gjetur lëndë narkotike dhe armë.
Mësohet se është arrestuar Petrit Hykaj 60-vjeç, si dhe ka shpallur në kërkim shtetasin Shkëlqim Hykaj 29-vjeç, pasi gjatë kontrollit të ushtruar në banesën e tyre në fshatin Gorishovë kjanë gjetur 2.2 kg kanavis, një peshore elektronike dhe një armë gjahu pa leje.
Njoftimi i plotë i policisë:
Fier
Policia ka goditur një tjetër rast të veprimtarisë kriminale në fushën e narkotikëve, pas një hetimi disa mujor.
Sekuestrohet lëndë narkotike cannabis sativa dhe një armë gjahu pa leje, bie në pranga një shtetas, shpallet në kërkim një tjetër.
Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga Komisariati i Policisë Fier, në bashkëpunim me Prokurorinë e Fierit, pas një hetimi disa mujor, u bë arrestimi në flagrancë i shtetasit P. H., 60 vjeç dhe u shpall në kërkim shtetasi Sh. H., 29 vjeç, banues në Gorishovë, Fier.
Gjatë kontrollit të ushtruar në banesën e këtyre shtetasve, u gjet dhe u sekuestrua në cilësinë e provës materiale 2.2 Kg lëndë narkotike e dyshuar cannabis sativa, e përgatitur gati për shitje, një peshore elektronike dhe një armë gjahu pa leje.
Vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë Fier, për veprime të mëtejshme.
