Pak kohë më parë një sulm me armë zjarri ndodhi në lokalin e Noizyt në zonën e Currilave në Durrës.
Sipas burimeve, mësohet se i plagosur ka mbetur 31-vjeçari Ardit Kërtusha ish-kandidati për kreun e PS në Durrës.
Gjithashtu mësohet se ai u plagos në këmbë pas një konflikti çasti.
Sipas policisë, dyshohet se ngjarja ka ndodhur gjatë një konflikti për motive të dobëta. Kërtusha ndodhet nën kujdesin e mjekëve, jashtë rrezikut për jetën. Nuk dihet ende si ka nisur sherri dhe se kush është autori i të shtënave me armë.
Ndërkohë vijon krehja e zonës, për identifikimin dhe kapjen e autorit të sulmit.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes./albeu.com/
