Bashkim Fino mori mbi 100 vota edhe pas vdekjes, zbuloni kujt do i kalojë mandati i tij

1 muaj para zgjedhjeve ndërroi jetë ish-deputeti Bashkim Fino por emri I tij nga lista e PS në KQZ nuk u hoq.

Sot ndërkohë që po numërohen votat për kandidatët e zgjedhjeve, në shifrat zyrtare të publikuara nga KQZ shihet se 108 veta kanë votuar për të ndjerin Fino.

Fino renditej në vendin e katërt në listën e kandidatëve për deputetë në qarkun e Fierit, por vendi i tij do t’i sigurojë vend në parlament Gramoz Ruçit pasi PS ka marrë 9 mandate në këtë qark.

6 mandate të tjera i ka siguruar aleanca PD-AN, ndërsa 1 mandat ka arritur të marrë LSI.

Ish deputeti socialist u nda nga jeta në moshën 59 vjeçare pasi nuk ia doli të mposhtte koronavirusin.  /albeu.com/

 

 

Shtuar 28.04.2021 06:04