Në mesin e 45 viktimave në autobusin e Maqedonisë së Veriut të djegur në autostradën “Struma” ka humbur jetën dhe motra me dhëndrin e zëvendësdrejtorit të Drejtorisë për të Ardhura Publike, Abduselam Selamit.
Selami përmes një postimi në rrjetet sociale ka dhënë lajmin e dhimbshëm të ndarjes nga jeta të motrës së tij dhe bashkëshortit të saj.
“Ah motër ma djege shpirtin, mbretëresha ime e madhja
Në duart tua u rita, me nënën të zëvendësoja, këshillat e tua sa më ndihmuan në jetë, sa ju gëzoje sukseseve tona, na ike pa u përshëndetur!
Familjarë, miq, shokë në aksidentin që ndodhi në Bulgari të ju njoftoj se në mesin e 46 engjujve ishin edhe motra ime e madhe Fevzija dhe dhëndri im Ibrahimi.
Të Zotit jemi dhe tek Ai do të kthehemi!
Për vorrimin do jeni të informuar”, shkruan ai.
Ngjarja e rëndë ka ndodhur në orët e para të mëngjesit të kësaj të marte ku një autobus i kompanisë “Besa trans” nga Shkupi, me udhëtarë kryesisht shqiptarë, është shkrumbuar në Bullgari duke shkaktuar 45 viktima dhe 7 të lënduar.
