Ngjarja e rëndë e shënuar mbrëmjen e kësaj të shtune në fshatin Karmë të Vaut të Dejës ka marrë një tjetër përmasë tragjike, pasi dy personat që u përfshinë në incident humbën jetën pas kontaktit me rrymën elektrike në ambientet e jashtme të një lokali.
Sokol Preka, 40 vjeç, i cili punonte si roje i lokalit, ndërroi jetë fillimisht. Edhe elektricisti David Deda, 46 vjeç, që kishte rënë në kontakt me rrymën, nuk ka mundur të mbijetojë dhe ka humbur jetën gjatë transportimit për në spital.
Të lidhura
None found
Policia dyshon paraprakisht se të dy shtetasit janë prekur nga rryma elektrike në hapësirat e jashtme të lokalit.
Në vijim të hetimeve, grupi hetimor, nën drejtimin e Prokurorisë, po punon për të përcaktuar rrethanat e plota të ngjarjes.
Në njoftimin e saj për përditësimin e bilancit, policia bëri të ditur se shtetasi D. D., 46 vjeç, me profesion elektricist, ndërroi jetë gjatë rrugës për në spital. Sipas autoriteteve, hetimet për zbardhjen e plotë të rrethanave po vijojnë nën drejtimin e Prokurorisë.
