Dashi
Sot do fryje edhe erë e ngrohtë edhe e ftohtë për ju. Mund të keni kundërshtime të njëpasnjëshme me ata që ju rrethojnë dhe vështirë se mund t’i kuptoni gabimet. Nëse keni një lidhje duhet patjetër të dyfishoni energjinë për të bërë më të mirën. Nëse vetëm debatoni me partnerin ose nëse e lini shumë pas dore atë gjërat do marrin tatëpjetën dalëngadalë. Ju beqarët nuk do keni aspak dëshirë të bëni ndryshime në jetën tuaj, por një person nuk do ju shqitet derisa t’iu bëjë për vete. Në punë me shumë gjasë do ndërmerrni edhe disa rreziqe për të treguar sesa vleni. Çuditërisht disa kolegë do ju mbështesin fort. Financat do fillojnë të dobësohen pas mesditës.
Demi
Hëna dhe Urani do jenë kundërshtare të njëra tjetrës sot prandaj mund të kaloni një ditë të mbushur me shqetësime dhe stres. Nëse e keni tashmë një lidhje do i merrni shumë seriozisht ato që do ju thitë partneri dhe mund të mërziteni. Ka mundësi që t’i dramatizoni edhe gjërat me elementare. Ju beqarët do e mbroni veten nga personat që do ju vijnë rrotull dhe me dëshirë do refuzoni mundësi të shkëlqyera. Do vijë shpejt koha kur do pendoheni për këto që keni bërë. Në punë gjërat nuk do ju ecin aq mirë sa i kishit menduar, megjithatë mos ja hidhni gjithë fajin vetes. Në planin financiar do ju lindin ide nga më të ndryshmet për të përmirësuar gjendjen dhe ka rrezik të bëni edhe gabime.
Binjakët
Sot do jeni më të logjikshëm dhe do mundoheni të toleroni në çdo situatë. Jeta juaj në çift do konsolidohet akoma më shumë. Do ia hapni zemrën njëri-tjetrit dhe do i plotësoni dëshirat reciproke. Ju beqarët nuk do bëni asgjë për ta ndryshuar statusin sepse thjesht ideja e humbjes së lirisë që keni pasur deri më sot iu tmerron. Në punë duhet të ndiqni me përpikmëri planet që keni bërë në mënyrë që të arrini majat. Po bëtë devijime gjërat do ndërlikohen akoma më tepër. Në planin financiar nuk do jeni shumë të kujdesshëm, por falë ndihmës së familjarëve gjendja ka për të mbetur goxha e mirë.
Gaforrja
Marsi do ju bëjë më guximtarë sot dhe do jeni të gatshëm të nisni çdo lloj aventure për një jetë më të begatë. Ju të dashuruarit që keni pasur mosmarrëveshje të vogla kohët e fundit do jeni më të qetë sepse do sqaroni gjithçka që në mëngjes. Ju beqarët do keni dashuri me shikim të parë dhe emocionet do iu pushtojnë furishëm. Për ju asgjë nuk do jetë me si më parë, por e sigurt që do jetë më flakëruese. Në punë mund të keni disa konflikte me shefat dhe e ardhmja juaj në kompani do jetë e rrezikuar. Tregohuni sa më të matur me çdo veprim. Me shpenzimet tregohuni realiste që të mos keni asnjë problem.
Luani
Sot do kapeni me veten tuaj gjithë kohës dhe mund ta bëni veten fajtorë për çdo të keqe që po ju ndodh. Ju të dashuruarit do keni një ditë të ndërlikuar Persona të jashtëm do ndikojnë tek ju dhe do ju bëjnë të debatoni edhe për gjërat më të vogla. Edhe nëse jeni beqarë do jeni të palogjikshëm dhe do bëni gabime të pafalshme. Edhe për punën do jetë një jave disi e vështirë, por me pak me shumë përpjekje mund t’ia dilni. Problemet financiare duhet t’i zgjidhni sa me parë që të jetë e mundur sepse po i late pas dore situata mund të marre seriozisht tatëpjetën.
Virgjëresha
Sot do jeni të fiksuar pas familjes dhe do harrini se në jetë ka dhe gjëra të thera të rëndësishme përveç saj. Ju të dashuruarit do jeni tej mase impulsivë dhe do bëni gjëra aq të gabuara saqë as vetë nuk i kishit menduar ndonjëherë. Ju beqarët nuk do jenë në humor shumë të mirë dhe do preferoni të qëndroni vetëm e të reflektoni. As miqtë apo familjaret nuk do preferoni t’i kenë pranë. As në punë nuk do keni rezultate shumë pozitive dhe do ndiheni më pesimistë se më parë. Në planin financiar duhet të bëni njëherë llogarite para se të veproni në mënyrë që të mos keni të papritura.
Peshorja
Do jeni shumë të ndjeshëm gjatë kësaj dite dhe do i merrni gjërat shumë personalisht. Nëse jeni në një lidhje bëni të pamundurën për të shmangur tensionin dhe hapni rrugë sa më tepër. Po u treguat kokëfortë vetëm sa do i përkeqësoni gjërat dhe do vuani vetë. Nëse ende nuk e keni gjetur shpirtin binjak, as sot nuk do ndodhë ndonjë mrekulli. Do keni njohje të reja, por askush nuk do ua mbushë mendjen. Në punë nuk do doni t’iu bini në qafë të tjerëve dhe as të përfitoni nga dobësitë e disa kolegëve. Në fakt këto do jenë gabime që do ju lënë mbrapa. Për shkak të disa borxheve të marra më parë apo të disa faturave të papaguara financat do dobësohen goxha.
Akrepi
Yjet do ju krijojnë mundësinë për të komunikuar më mirë me të gjithë sot dhe për të dhënë mesazhet e duhura. Jeta sociale do jetë edhe më intensive sot. Për ju që jeni në një lidhje marrëdhënia me partnerin ka për të qenë fantastike. Do dini si ta surprizoni njëri-tjetrin, s ta përkëdhelni dhe si ta bëni të ndihet më mirë se kurdoherë. Pasioni do mbizotërojë gjithë kohës. Edhe ju beqarët do kaloni momente të bukura pas disa njohjeve të nxitura nga miqtë. Në punë do merreni vesh më mirë me kolegët dhe duke bashkëpunuar do i arrini të gjitha objektivat. Buxhetin vështirë se do ta menaxhoni si duhet, por gjithsesi tani për tani paratë do jenë të mjaftueshme.
Shigjetari
Sot do ju pushtojë gjithë kohës optimizmi dhe do i përmbushni të gjitha objektivat që i kishit vënë vetes. Ju të dashuruarit do jeni tej mase romantikë dhe do mendoni surpriza nga më të ndryshmet. Partneri do jetë i gatshëm të provoje çdo gjë që do i propozoni dhe do ndihet për mrekulli. Nëse jeni beqarë, më mire t’ia lini gjërat kohës dhe të mos bëni asgjë me ngulm sepse jo vetëm që nuk mund t’ia dilni, por edhe mund të lëndoheni. Në punë do i keni idetë fikse për hapat që duhet të hidhni dhe diplomacia do ju ndihmojë të keni arritjet e shumë dëshiruara. Buxheti do ketë më shumë përmirësime.
Bricjapi
Do jeni shumë në humor sot dhe të gatshëm për të luftuar për të marrë ato që ju takojnë. Ambicia nuk do shterojë asnjëherë. Për ju të dashuruarit, harmonia dhe kënaqësia do jetë në program, kështu që shfrytëzojeni sa më shume çdo sekondë. Ju beqarët, sado të mundoheni apo të ndihmoheni nga të afërmit, nuk do arrini dot ta ndryshoni statusin e tyre. Në punë do e shtoni pak ritmin dhe do arrini edhe më lart nga kishit menduar. Po ecët kështu do merrni një propozim për rritje në detyrë. Buxheti do jetë disi më i stabilizuar, por ende jo në periudhën më të mirë.
Ujori
Yjet do ju japin më shumë vullnet gjatë kësaj dite dhe askush nuk do ju ndalë dot. Askush nuk do arrijë tua ndryshojë mendimet që keni për diçka. Ju të dashuruarit do bëni, por edhe do merrni deklarata të forta që do ua ngrenë zemrën peshë. Mbrëmja ka për të qenë fantastike dhe e mbushur me pasion të zjarrtë. Ju beqarët më në fund do e gjeni personin më të përshtatshëm që do ua ndryshojë statusin dhe jetën në tërësi. Në punë do dini si të veproni kurdoherë dhe nuk do keni besim të verbër tek kolegët. Kjo gjë do shmangë edhe zhgënjimet. Me menaxhimin e financave do merrni akoma më shumë kështu që gjendja nuk do ketë probleme.
Peshqit
Dita e sotme nuk do jetë shumë e keqe, por në përgjithësi gjërat nuk do ecin si duhet. Ju të dashuruarit do kapeni edhe për gjëra të vogla me partnerin dhe nuk do hapni rrugë për asnjë moment. Shpirti romantik do mungojë plotësisht dhe në shumë momente do ndiheni bosh. Gabime do keni si ju ashtu edhe ai që keni në krah. Ju beqarëve do ju mungojë besimi tek vetja dhe nuk do guxoni as të joshni. Në punë, nevoja për perfeksion do ju bëjë të keni frikë të hidhni hapa. Po pritët vetëm ndihmën e të tjerëve nuk do shkoni askund. Financat do jenë të kënaqshme, por ju do ju mungojë sensi i organizimit.
