Në kuadër të hetimit për të zbardhur plotësisht vrasjen e shtetasit Edmond Sula, forcat e policisë kanë zhvilluar një aksion kontrollesh në zonën e Bërxullës.
Bazuar në një vendim gjykate, efektivët kanë kryer kontrolle të hollësishme në katër banesa. Burimet bëjnë me dije se vëmendja është përqendruar te pronat dhe banesat që u përkasin anëtarëve të familjes Loci, ku janë kërkuar prova materiale që mund të ndihmojnë në zbardhjen e ngjarjes.
Të lidhura
None found
Gjatë operacionit, disa persona janë shoqëruar në komisariat dhe po merren në pyetje nga ekipi hetimor lidhur me rrethanat e krimit dhe lidhjet e tyre me viktimën.
Pista kryesore ku janë fokusuar hetuesit lidhet me një mosmarrëveshje të mundshme pronësie mes viktimës Edmond Sula dhe personave të shoqëruar.
Grupi hetimor vijon punën për të dokumentuar ligjërisht ngjarjen dhe për të identifikuar autorët përgjegjës.
