Gjykatëa e Shkallës së Parë në Vlorë ka lënë në masën e sigurisë “arrest në burg” Rei Metën i arrestuar kryesor për vrasjen e inxhinierit 55-vjeçar Armando Meshau ditën e hënë në Vlorë.
Rei Meta, i njohur si sekser, pritet të njihet me masën e sigurisë pas vrasjes së bujshme në një qendër interneti në Vlorë që tronditi opinionin publik.
Rei Meta përveç sekserit, zyrtarisht punonte edhe si Përgjegjës Grupi i Inspektorëve të Kontrollit Fizik në Drejtorinë e Përgjithshme të Doganave.
Ndërkohë nëna e autorit të vrasjes është anëtare e KLP, Nurihan Meta.
Babai i djalit, njëkohësisht burri i anëtares së KLP, është Hazis Meta, me profesion oficer kufiri, Shef Sektori Juridik në Kadastrën e Përgjithshme, i emëruar pas zgjedhjes së gruas në Këshillin e Lartë të Prokurorisë.
Motra e Rei Metës, Santeliana Meta, deri në momentin kur e ëma u emërua anëtare e Këshillit të Lartë të Prokurorisë, punonte në Ministrinë e Brendshme bashkë me xhaxhanë P. Meta, teksa nga 1 janari 2020 deri tani mban postin e Shefe Sektori në Prokurorinë e Tiranës.
