Gjykata e Apelit i dha Berishës vulën e PD, Basha njofton lëvizjen e radhës

Lulzim Basha ka bërë lëvizjen e parë, pasi Gjykata e Apelit i hoqi vulën e PD-së, për t’ia kaluar Sali Berishës. Burime bëjnë të ditur se sot në 17:00, Basha do të mbledhë strukturat e veta, për hedhjen e hapave te radhës.

Këtë të martë, Gjykata e Apelit me vendimin e marrë njohu si legjitim vendimet e marra nga Kuvendi Kombëtar i 11 dhjetorit 2021.

Fotolajm/ Vula e Partisë Demokratike iu kthye Berishës, përshëndetje me dy gishta, ja si e pritën vendimin e Apelit deputetët e Rithemelimit

Gjykata i dha vulën Berishës, këngë e valle tek selia e Partisë Demokratike: O Sali, o hero, gjithë Shqipëria ty të do... (VIDEO)

Vula iu rikthye Berishës, Klevis Balliu: Uragani i lirisë nuk ndalet më, korrupsioni dhe krimi organizuar kanë pësuar sot blackout

Vendimi i Apelit duke rrëzuar ankimimin e PD-së zyrtare e cila nuk legjitimohet si palë në proces, lë në fuqi vendimin e 25 marsit 2022 të marrë nga gjyqtari Agron Zhukri.

Çështja në Apel, u shqyrtua nga një treshe gjyqtarësh me relatore Alma Ahmeti, ndërsa dy anëtarët janë Iliba Bezati dhe Elona Toro. Vendimi i sotëm i Apelit është vendim i formës së prerë.

Kryetari i PD, Sali Berisha ndodhet prej 30 dhjetorit në masën e sigurisë arrest shtëpie pasi refuzoi të zbatojë vendimin e GJKKO për detyrim paraqitje, lidhur me privatizimin e ish-kompleksit Partizani. E njëjta masë sigurie rëndon edhe mbi dhëndrin e Berishës, Jamarbër Malltezi.