Ekipet ruse mbesin sërish jashtë Evropës. Ky është vendimi që Presidenti i UEFA, Aleksander Ceferin ka marrë ditën sotme, vendim ky që është bazuar në ecurinë e sulmeve që Rusia po kryen mbi Ukrainën, sulme këto që kanë nisur në shkurt të vitit 2022.
Sipas asaj çka raportojnë mediat, UEFA ka vendosur që dënimi nuk ka gjasa të hiqet derisa situata të zgjidhet, me Federatën Ruse të Futbollit dhe UEFA-n, që ditën sotme duhej të diskutonin mundësinë e kthimit të ekipeve ruse në ndeshjet ndërkombëtare.
Kujtojmë se më 28 shkurt 2022, UEFA dhe FIFA pezulluan klubet dhe ekipet ruse nga pjesëmarrja në garat ndërkombëtare. /albeu.com
