Gjashtë shqiptarë kanë rënë në pranga në Britaninë e Madhe, pasi akuzohen për një fermë kanabisi, që ishte ngritur brenda një shtëpie të braktisur të kujdesit në Leeds këtë javë.
Policia britanike ekzekutoi një urdhër kontrolli në Moorfield House, në Fieldhouse Walk, Moortown, të hënën dhe gjetën bimë kanabisi me një vlerë të vlerësuar në rrugë prej 448,050 £. Gjashtë shtetas shqiptarë u arrestuan në vendngjarje dhe më pas u akuzuan për prodhim kanabisi.
Alitor Deda, 30 vjeç, Erijon Gjoka, 21, Edison Markeci, 21 vjeç, Agostin Marku, 36 vjeç, Ali Qerfozi, 41 vjeç dhe Andi Teta, 32 vjeç, të gjithë nga Moorfield House, u paraqitën në Gjykatën e Magjistraturës së Leeds të martën dhe u lanë në paraburgim për t’u paraqitur në Gjykatën e Kurorës së Leeds më 5 janar.
