Janë zbardhur detaje të reja nga shkëputja e ashensorit të ndodhur mbrëmjen e kaluar në Astir Tiranë.
Sipas policisë nga ky incident I cili fatmirësisht ndaloi në katin tjetër, u plagosën vetëm 2 vajza.
Burimet për albeu.com bëjnë me dije se njëra nga vajzat është dërguar në shtëpi ndërsa tjetra është në gjendje të rëndë në spital.
Mësohet se e lënduara, gjendja e së cilës dyshohet se është e rëndë, është shtatzënë. Policia nuk dha detaje mbi identitetin e saj.
NJOFTIMI I POLICISË:
Tiranë/Informacion paraprak
Më datë 12.09.2021, rreth orës 00:05, në Astir, dyshohet se në një pallat është shkëputur ashensori. Si pasojë është dëmtuar shtetasja M. Q, e cila pas marrjes së mjekimit, u largua për në banesë, dhe një shtetase tjetër, ende e paidentifikuar e cila ndodhet në spital, nën kujdesin e mjekëve.
Vijon puna nga grupi hetimor për sqarimin e rrethanave të ngjarjes. /albeu.com/
