Një sherr me thika ka ndodhur pasditen e kësaj të enjteje në Elbasan. Në afërsi të stadiumit janë përleshur me thika disa të rinj dhe për pasojë ka mbetur i plagosur Amarildo Ademi, 23 vjeç.
Policia ka mbërritur në vendngjarje dhe ka bërë të mundur kapjen e autorit, 19-vjeçarit Enver Buzhani.
Burime bëjnë me dije se ngjarja ka ndodhur pas një sherri të momentit. Ndërsa nuk dihet ende sesi paraqitet gjendja shëndetësore e të plagosurit.
Njoftimi i plicisë:
Elbasan/ Informacion paraprak
Në lagjen “Emin Matraxhiu “, Elbasan, në ambientet e një lokali shtetasi E.B., 19 vjeç, banues në Elbasan, pas një konflikti për motive të dobëta ka goditur me kaçavid shtetasin A.A., 23 vjeç, banues në Elbasan, I cili është transportuar në spital dhe ndodhet jashtë rrezikut për jetën.
Shtetasi E.B., është shoqëruar në Komisariatin e Policisë Elbasan, pēr veprime të mëtejshme procedurale.
Grupi hetimor po punon për zbardhjen dhe dokumentimin e plotë të rrethanave të ngjarjes./albeu.com
