Motori del nga rruga në Korçë, plagoset rëndë drejtuesi

Një aksident është regjistruar pak më parë në afërsi të fshatit Dvoran të Korçës.

Sipas informacioneve paraprake bëhet me dije se një motor ka dalë nga rruga e si pasoja ka mbetur i plagosur rëndë drejtuesi.

Menjëherë pas aksidentit, burri është transportuar për në spitalin rajonal të Korçës, dhe po sipas burimeve, bëhet e ditur se gjendja e tij është e rëndë.

Policia ka mbërritur në vendngjarje dhe po punon për zbardhjen e plotë të rrethanave të aksidentit./albeu.com