LIVE/ Dorëheqja në 2013 dhe ardhja e Lulzim Bashës, Sali Berisha kërkon publikisht falje demokratëve

Ish-kryeministri Sali Berisha sot gjendet në Durrës ku po mban takimine radhës me demokratët në vijim të aksionit të tij kundër kreut të PD, Lulzim Basha.

Gjatë fjalës së tij në Durrës, Berisha u kërkoi falje demokratëve për gabimet e tij.

Berisha iu referua humbjes së Bashës dhe mospërjashtimi i tij si kryetar të PD, si një faj të tij dhe për këtë u kërkoi falje demokratëve.

“Është se unë nuk u tregova i vëmendshëm nga shkeljes së normave të Partisë Demokratike. Unë vërtet publikisht ngrita zërin kur në një listë të bërë pas mensate u ekzekutuan njerëz që kishin contribute një jetë në Partinë Demokratike. Unë nisa procesin për këtë akt. Unë i kërkova Lulzim Bashës të jepte dorëheqjen sepse humbje të tillë nuk kisha njohur në ‘97/ por, problemi është që nuk nisa procesin e duhur që ai të merrte përgjegjësinë për humbjen e tmerrshme që pësuam në vitin 2017…”- tha ndër të tjera Berisha.

 

Pjesë nga fjala e Berishës:

Njeriu që sot mori mandatin e tretë dëshmonte një pasion të çmuar për hekurat dhe burgun, në tetë vite shqiptarët zbritën nga vendi me rrogat mesatare më të larta në rajon në ato më të ulëta, përfshorë këtu edhe Kosovën. Ky njeri ka rrëmbyer mandatin e tretë, ka filluar si askush tjetër në 30 vite që të qeverisë për katër vite të tjera.

Besoj se biem dakort këtu në këto zhvillime edhe dramatike për ne shqiptarët, pjesën e vet të pamohueshme e ka Opozita shqiptare e cila në këto vite nuk arriti kurrë të organizojë aksionet e veprimet për t’i treguar vendin një qeverisjeje të tillë, por dështoi në çdo nismë të marrë. Që nga viti 2013. Ndaj dhe unë jam këtu për t’ju kërkuar ndjesë miqtë e mi, për t’ju shpjeguar se cili ishte gabimi im.

Unë dhashë dorëheqjen dhe nuk bëra gabim. Isha i bindur që kur zgjedhësit hedhin një kontratë me ty dhe ti humb, duhet të hapësh rrugën dhe unë këtë bëra. Jam përpjekur të jap këshilla aq sa të mundem. Por, ku qëndron gabimi im atëherë. Është se unë nuk u tregova i vëmendshëm nga shkeljes së normave të Partisë Demokratike. Unë vërtet publikisht ngrita zërin kur në një listë të bërë pas mensate u ekzekutuan njerëz që kishin contribute një jetë në Partinë Demokratike. Unë nisa procesin për këtë akt.

Unë i kërkova Lulzim Bashës të jepte dorëheqjen sepse humbje të tillë nuk kisha njohur në ‘97/ por, problemi është që nuk nisa procesin e duhur që ai të merrte përgjegjësinë për humbjen e tmerrshme që pësuam në vitin 2017. Do thoni ju pse? Sepse unë nuk kisha ndërmend të rikthehesha më. Isha i vendosur që të qëndroja një prej jush pa të drejtë kthimi dhe dorëheqjen time e kisha konceptuar si pa kthim. /albeu.com/