DNIPRO Archives - Albeu.com

Përfundon operacioni i kërkim-shpëtimit në Dnipro, 20 persona ende të zhdukur

Xh — Tue, 17 Jan 2023 14:57:32 +0000

Ministria e Mbrojtjes e Ukrainës ka thënë se operacioni i kërkim-shpëtimit shtunës në një ndërtesë apartamentesh në qytetin ukrainas Dnipro ka përfunduar.

Ndërtesa u godit me raketa ruse të shtunën.

20 persona janë ende të zhdukur dhe 79 të tjerë të plagosur, duke përfshirë 16 fëmijë, sipas autoriteteve lokale, pasi ndërtesa u nda në dysh.

Search and rescue operation in Dnipro has been completed:
– 39 people were rescued, including 6 children;
– 44 people died, including 5 children;
– 79 people were injured, including 16 children;
– 47 reported as missing (23 found dead, 4 found alive). pic.twitter.com/hUUmOiuB23

— Defense of Ukraine (@DefenceU) January 17, 2023

Numri i të vdekurve nga sulmi është në 44, duke përfshirë trajnerin e boksit Mykhailo Korenovskyi, i vetmi anëtar i familjes së tij që kishte qenë në shtëpi në atë kohë./Albeu.com/

The post Përfundon operacioni i kërkim-shpëtimit në Dnipro, 20 persona ende të zhdukur appeared first on Albeu.com.

Rritet sërish numri i viktimave në Dnipro

K Agaj — Tue, 17 Jan 2023 11:59:41 +0000

Numri i të vdekurve nga një sulm me raketa ruse në një ndërtesë apartamentesh në Dnipro është rritur në 44 persona, tha kryebashkiaku i qytetit qendror të Ukrainës. “Jam këtu. Tashmë 44 të vdekur”, tha Borys Filatov në një postim në Facebook. Autoritetet rajonale thanë më herët të martën se trupi i një fëmije ishte [...]

“Raketa është rrëzuar nga Ukraina”, këshilltari i Zelensky-t jep dorëheqjen pas deklaratës së bujshme

K Agaj — Tue, 17 Jan 2023 11:03:31 +0000

Këshilltari presidencial ukrainas Oleksiy Arestovych ka dhënë dorëheqjen e tij pas një proteste publike për komentet që ai bëri duke sugjeruar se një raketë ruse që vrau të paktën 41 njerëz në qytetin e Dnipro ishte rrëzuar nga Ukraina.

Reuters raporton se Arestovych njoftoi dorëheqjen e tij në Facebook pasi kërkoi falje publike dhe u përgjigj për komentet e tij në një postim në aplikacionin e mesazheve Telegram. Forcat Ajrore të Ukrainës thanë se kompleksi i apartamenteve u godit nga një raketë ruse Kh-22, të cilën Kievi nuk ka pajisjet për ta rrëzuar.

“U kërkoj ndjesë të sinqertë viktimave dhe të afërmve të tyre, banorëve të Dnipros dhe të gjithë atyre që u lënduan thellë nga versioni im i gabuar para kohe i arsyes së raketës ruse që goditi një ndërtesë banimi”, shkroi ai. /albeu.com

The post “Raketa është rrëzuar nga Ukraina”, këshilltari i Zelensky-t jep dorëheqjen pas deklaratës së bujshme appeared first on Albeu.com.

Gjendet trupi i një fëmije nën rrënoja, rritet numri i viktimave nga sumi rus në Dnipro

K Agaj — Tue, 17 Jan 2023 08:35:23 +0000

Punonjësit e shpëtimit kanë gjetur këtë mëngjes trupin e një fëmije në rrënojat e ndërtesës së lartë të banimit të goditur nga Rusia në fundjavë në Dnipro, sipas zyrtarëve ukrainas.

Kyrylo Tymoshenko, nënkryetari i zyrës së presidentit të Ukrainës, postoi një përditësim në Telegram për të thënë se numri i viktimave ka shkuar tashmë në 41.

“Në orën 09:46 të mëngjesit, trupi i një fëmije të vdekur u gjet nën rrënojat e një pallati të shkatërruar banimi në katin e 4-të. Gjithsej 41 persona vdiqën (përfshirë katër fëmijë), 79 persona u plagosën (përfshirë 16 fëmijë) dhe 39 persona u shpëtuan (përfshirë gjashtë fëmijë)”, tha ai.

Rusia ka mohuar në mënyrë të përsëritur se ka shënjestruar civilët në Ukrainë, pavarësisht dëshmive të rritjes së numrit të vdekjeve në mesin e popullsisë, që OKB-ja e vendos në më shumë se 7,000. /albeu.com

The post Gjendet trupi i një fëmije nën rrënoja, rritet numri i viktimave nga sumi rus në Dnipro appeared first on Albeu.com.

Sulmi rus në Dnipro, 25 persona ende të zhdukur

K Agaj — Tue, 17 Jan 2023 07:40:06 +0000

Shërbimet e urgjencës të Ukrainës kanë thënë se 25 persona mbeten të zhdukur pas sulmit me raketa të fundjavës në një bllok banimi në Dnipro, i cili vrau të paktën 40 persona, përfshirë tre fëmijë.

“Dnipro: Që nga ora 08:00 e 17 janarit, 39 persona u shpëtuan, duke përfshirë gjashtë fëmijë. 40 njerëz vdiqën, duke përfshirë tre fëmijë. 79 persona u plagosën, mes tyre 16 fëmijë.

Kemi marrë 47 denoncime për persona të zhdukur, nga të cilët 18 persona janë gjetur të vdekur, katër persona janë gjetur të gjallë te familjarët, në spitale, aktualisht janë në kërkim 25 persona.

Psikologët e Shërbimit të Urgjencës Shtetërore kanë ndihmuar 176 viktima. Operacionet e kërkim-shpëtimit dhe çmontimin e elementeve strukturorë të rrezikshëm janë në vazhdim. Shërbimet komunale hoqën më shumë se 9,000 ton mbeturina ndërtimi dhe 41 makina të dëmtuara. Gjithsej 415 persona u përfshinë në punime”, u bë me dije në në njoftim.

The post Sulmi rus në Dnipro, 25 persona ende të zhdukur appeared first on Albeu.com.

Shkon në 40 numri i viktimave nga sulmi rus në Dnipro

K Agaj — Mon, 16 Jan 2023 11:23:05 +0000

Numri i njerëzve të vrarë në sulmin me raketa ruse të së shtunës në një bllok banimi në qytetin jug-qendror të Ukrainës, Dnipro, është rritur në 40, sipas një zyrtari lokal.

Viktimat nga sulmi përfshinin një vajzë 15-vjeçare, tha Presidenti Volodymyr Zelensky.

Operacionet e kërkim-shpëtimit vazhdojnë dhe deri më tani janë shpëtuar 39 persona.

Të dielën, Komanda e Forcave Ajrore të Forcave të Armatosura të Ukrainës tha se nuk kishte asnjë dyshim se një raketë ruse Kh-22 ishte përdorur në sulm.

I projektuar fillimisht si një raketë kundër anijeve, Kh-22 është një armë më e vjetër dhe më pak e saktë se shumica e raketave moderne. /albeu.com

The post Shkon në 40 numri i viktimave nga sulmi rus në Dnipro appeared first on Albeu.com.

Zelensky kërkon më shumë armë nga Perëndimi: T’i japim fundt terrorit rus

K Agaj — Mon, 16 Jan 2023 10:04:54 +0000

Në fjalimin e tij të natës pas sulmit në Dnipro, presidenti ukrainas Volodymyr Zelensky u bëri thirrje aleatëve perëndimorë që të furnizojnë më shumë armë për t’i dhënë fund terrorit rus dhe sulmeve ndaj objektivave civile.

Të shtunën, Britania ndoqi Francën dhe Poloninë me premtime për armë të tjera, duke thënë se do të dërgonte 14 nga tanket kryesore të betejës Challenger 2 si dhe mbështetje të tjera të avancuara artilerie në javët e ardhshme.

Dërgimi i parë i tankeve të prodhimit perëndimor në Ukrainë ka të ngjarë të shihet nga Moska si përshkallëzim i konfliktit. Ambasada ruse në Londër tha se tanket do ta zvarrisnin konfrontimin. /albeu.com

The post Zelensky kërkon më shumë armë nga Perëndimi: T’i japim fundt terrorit rus appeared first on Albeu.com.

Bilanci tragjik në Dnipro, shkon në 35 numri i viktimave nga sulmi rus

K Agaj — Mon, 16 Jan 2023 09:20:41 +0000

Valentyn Reznichenko, guvernatori i rajonit të Dnipropetrovsk ka thënë se të paktën 35 persona u konfirmuan të vdekur deri më tani nga bombardimi i Rusisë në një ndërtesë apartamentesh Dnipro, ndërsa kërkimet për të mbijetuar të tjerë ishin në vazhdim.

“Kërkimi për njerëzit nën rrënoja vazhdon”, tha Reznichenko në aplikacionin e mesazheve Telegram.

Forcat Ajrore të Ukrainës thanë se blloku i apartamenteve u godit nga një raketë ruse Kh-22 dhe se Ukrainës i mungon mbrojtja ajrore për të rrëzuar. Raketa e epokës sovjetike u zhvillua gjatë Luftës së Ftohtë për të shkatërruar anijet luftarake. /albeu.com

The post Bilanci tragjik në Dnipro, shkon në 35 numri i viktimave nga sulmi rus appeared first on Albeu.com.

Rritet numri i viktimave nga sulmi rus në Dnipro, 30 të vrarë deri tani

K Agaj — Sun, 15 Jan 2023 18:26:29 +0000

Këshilltarja e guvernatorit rajonal të Dnipro, Natalia Babachenko, ka thënë se 30 persona u konfirmuan të vdekur deri më tani pasi një kompleks apartamentesh në qytetin Dnipro u godit gjatë një sulmi të madh me raketa ruse. Më shumë se 30 janë në spital, duke përfshirë 12 në gjendje të rëndë, tha Babachenko. Midis 30 [...]

Sulmi rus në Dnipro, reagon Xhaçka: Këto krime nuk duhet të mbeten pa u ndëshkuar

K Agaj — Sun, 15 Jan 2023 15:40:04 +0000

Ministrja e Punëve të Jashtme Olta Xhaçka ka reaguar për sulmin e fundit të Rusisë ndaj Ukrainës, në qytetin e Dnipros ku një bllok apartamentesh u godit nga raketat dhe mbi 20 persona humben jetën.

Xhaçka u shpreh e tmerruar nga numri i viktimave dhe shtoi se ky është një tjetër krim i urryer lufte nga Rusia.

Ministruja theksoi se këto krime nuk duhet të mbeten pa u ndëshkuar dhe konfirmoi mbështetjen për Ukrainën.

“E tmerruar nga numri i të vdekurve nga sulmi rus me raketa kundër një blloku apartamentesh në Dnipro. Një tjetër krim i urryer lufte nga një Rusi, strategjitë dhe taktikat e së cilës në Ukrainë janë më të ngjashme me ato të një organizate terroriste sesa ato të një vendi modern dhe anëtari i përhershëm i Këshillit të Sigurimit.

Këto krime nuk duhet të mbeten pa u ndëshkuar. Ne duhet të punojmë të gjithë së bashku për të garantuar që i gjithë zinxhiri i komandës ruse të mbahet përgjegjës për këto krime barbare. Ne qëndrojmë me Ukrainën”, shkroi ajo në Twitter. /albeu.com

The post Sulmi rus në Dnipro, reagon Xhaçka: Këto krime nuk duhet të mbeten pa u ndëshkuar appeared first on Albeu.com.