Protesta e aktivistëve dhe qytetarëve në Tiranë ka mbërritur në ditën e 39-të, ndërsa marshimi nëpër rrugët e kryeqytetit tashmë ka nisur.
Si çdo mbrëmje, tubimi u hap rreth orës 19:40. Fillimisht ata u grumbulluan në sheshin “Skënderbej”, ku vazhduan me thirrjet ‘Rama jepe dorëheqjen’ dhe ‘Rama në burg, Berisha në burg’.
Të lidhura
None found
Pas kësaj, protestuesit u drejtuan nga Bulevardi ‘Dëshmorët e Kombit’ dhe ndaluan përpara godinës së Kryeministrisë.
Për afro dy orë, të pranishmit dëgjuan fjalime nga pjesëmarrës të ndryshëm, ndërsa në vijim turma iu kthye marshimit të përnatshëm në rrugët e Tiranës.
Thirrja kryesore e kësaj lëvizjeje mbetet largimi nga detyra i Kryeministrit Edi Rama dhe i qeverisë aktuale, të cilën protestuesit e paraqesin si synimin kryesor të kësaj proteste të pandërprerë.
