Policia e Shtetit ka njoftuar procedimin penal të 11 personave, të cilët dyshohen se kanë qenë pjesë e tubimeve të paligjshme të zhvilluara në kryeqytet gjatë datave 22 dhe 23 qershor.
Në listën e personave të vënë nën hetim figuron edhe Dritan Goxhaj. Sipas autoriteteve policore, ai akuzohet se ka udhëhequr turmën duke tejkaluar perimetrin e sigurisë të miratuar paraprakisht për zhvillimin e tubimit.
Të lidhura
None found
Sipas njoftimit zyrtar, këta shtetas akuzohen për veprime që kanë cenuar rendin dhe qetësinë publike gjatë protestave të zhvilluara në Tiranë. Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
