Dita e 103-të e protestës, qytetarët marshojnë drejt Kryeministrisë: “Arrestoni Ballukun”, “Rama dorëhiqu”

Protesta vijon edhe më 10 shtator, në ditën e saj të 103-të, me qytetarët që kanë zbritur në bulevardin “Dëshmorët e Kombit”.

Gjatë marshimit, protestuesit kanë përsëritur në kor një sërë sloganesh, mes tyre “Arrestoni Ballukun”, “Edi Rama jep dorëheqjen” dhe “Rama o legen, gjithë Shqipëria të urren”.

Tubimi po i afrohet godinës së Kryeministrisë, ku pritet të mbahen edhe fjalime nga aktivistët.

Me flamuj kombëtarë në duar, pjesëmarrësit kërkojnë largimin e kryeministrit Edi Rama dhe të qeverisë së tij, të cilën e akuzojnë për korrupsion galopant.

Protestuesit kanë kërkuar gjithashtu arrestimin e kryeministrit Rama, të cilin e cilësojnë si drejtuesin e kastës politike të korruptuar.