Mediat në Maltë kanë zbardhur detaje të reja nga ngjarja e rëndë ku u përfshinë dy 23-vjeçarë shqiptarë, të cilët tentuan të vrisnin ish-vjehrrin e një shtetasi maltez, që raportohet të jetë pronari i tyre.
Dy të rinjtë shqiptarë që kryen sulmin ndaj babait 62-vjeçar të ish-gruas së Matthew Joseph Schembri janë Xhovano Ndoci dhe Agostin Marku.
Matthew, i cilësuar nga gjykatësi i çështjes si “truri” që qëndron pas sulmit të paprovokuar ndaj Louis Spiterit, babait të ish-bashkëshortes së tij Rosario Spiteri, i kishte urdhëruar shqiptarët të zbatonin porosinë e tij në këmbim të një shpërblimi.
Ndërkohë, Ndoci dhe Marku i thanë policisë se ishin të ngarkuar për të kryer sulmin, por ky i fundit u akuzua gjithashtu për mbajtjen e një objekti të mprehtë pa leje policie.
Gjykata dëgjoi se dy shqiptarët jetonin në një pronë që u ishte dhënë nga Schembri, drejtor i një kompanie, dhe ndodheshin në Maltë me fonde të kufizuara.
Avokati i tyre, Dean Hili, i tha gjykatës se hetimet e policisë vërtetuan elementë të asaj që ata thanë, se ata “vepruan në thelb si vrasës”.
Ai pretendoi se dyshja kishin ardhur në Maltë për të punuar dhe kishin gjetur dikë që do t’i punësonte në mënyrë të paligjshme.
“Ata përfunduan në thelb si skllevër të tij (Schembrit) me shpresën se do të gjenin vaktin e tyre të radhës, të cilin përfunduan duke u dashur ta gjenin diku tjetër. Ne duhet të shohim se kush do të përfitonte vërtet nga kjo situatë, nëse ishin këta dy burra që sulmuan dikë që as nuk e njihnin, kishin një foto të tij, apo dikush tjetër”, u shpreh avokati i dy 23-vjeçarëve.
Megjithatë, avokati David Gatt, për Schembrin, pretendoi se qiramarrësit e tij nuk i kishin paguar kurrë “një cent qira” për vendin ku flinin dhe kështu vendosën, me vullnetin e tyre të sulmonin vjehrrin si një mjet pagese.
“Ai (Schembri) kishte dy persona që nuk i paguanin qiranë dhe vendosi që në vend të qirasë të shkonin të sulmonin babain e ish-gruas së tij. Nuk mendoj se duhet të shkatërrojmë jetën e këtij njeriu për shkak të rrethanave”, tha avokati mbrojtës i maltezit.
Duke apeluar për lirimin me kusht, avokati i Schembri tha se ai kishte një precedent të pastër penal dhe një biznes, të nisur nga babai i tij, me disa angazhime.
Por, inspektori Lydon Zammit e përshkroi rastin si “shumë serioz” dhe se lajmi për sulmin kishte ngjallur panik në të gjithë vendin, duke provokuar frikën se kushdo që ecte në Sliema mund të sulmohej. “Fatkeqësisht ajo fjalë u përhap, nuk është rasti, por ekzistonte frika derisa policia të jepte versionin e saj për ngjarjen”, tha ai, duke kundërshtuar lirimin me kusht për të tre të akuzuarit.
Inspektori shtoi se: “Pika e dytë është se një i moshuar u sulmua duke u marrë me punët e tij, ndërsa lëndimet ishin vetëm të lehta, por situata mund të ishte shumë më e keqe. Nga hetimi ynë është e qartë se Matthew Schembri ishte truri pas këtij sulmi të këtyre dy shqiptarëve ndaj Louis Spiterit. Ne do të tregojmë mendimin keqdashës të treguar nga Mattheë gjatë gjithë këtij rasti”.
Zammit tha se policia kishte një numër dëshmitarësh civilë, të cilët ende duhet të dëshmojnë, së bashku me viktimën dhe familjen e tij, duke treguar se ekzistonte rreziku i ndërhyrjes së Schembrit tek dëshmitarët, raporton BW.
Ai tha se dy agresorët shqiptarë nuk kishin adresë fikse dhe “nuk kishin synim të qëndronin”, duke nënvizuar se ata mund të deportohen. Gjykata mohoi lirimin me kusht për të tre, për shkak të natyrës së rëndë të krimeve, frikës së ndërhyrjes së dëshmitarëve ende për të dëshmuar dhe faktit se dy nga të akuzuarit nuk kanë adresë fikse apo lidhje me Maltën.
Ajo lëshoi gjithashtu një urdhër mbrojtjeje në favor të viktimës, i cili u përfaqësua në gjykatë nga avokati Matthew Xuereb. Megjithatë, ajo vendosi që Schembri mund të komunikonte me ish-gruan e tij për çështje që kishin të bënin me kujdestarinë e djalit të tyre.
