Një takim katërpalësh midis Turqisë, Ukrainës, Rusisë dhe Kombeve të Bashkuara do të mbahet në Stamboll në javët e ardhshme, ndoshta me pjesëmarrjen e presidentit të Turqisë, Recep Tayyip Erdoğan dhe sekretarit të përgjithshëm të OKB-së, António Guterres, shkruan The Guardian.
Burimet thanë se plani përfshinte krijimin e tre korridoreve nga qyteti port i Ukrainës, Odesa, nën mbikëqyrjen e Kievit, dhe se produktet ushqimore ukrainase dhe ruse do të transportoheshin prej andej.
Të lidhura
None found
Midis 30 dhe 35 milionë tonë drithë mund të transportohen prej andej në gjashtë deri në tetë muajt e ardhshëm, thanë burimet për The Guardian.
I pyetur për përshkrimin e planit, zëdhënësi i OKB-së Stephane Dujarric tha se “diskutimet mbi këto çështje po vazhdojnë”, pa elaboruar më tej.
Agjencia shtetërore ruse e lajmeve Tass konfirmoi planet për bisedimet, duke cituar zëdhënësin e Kremlinit Dmitry Peskov./albeu.com
