Janë zbardhur detaje të reja nga ngjarja e rëndë në Grecall të Fierit ku pak ditë më parë, më 16 nëntor u vra Mateo Vasiu nga fqinji i tij, 38 vjeçar Klodian Çalamani.
Burimet bëjnë me dije se në policinë e Fierit është depozituar një padi ndaj një gruaje, e afërme e familjes, e cila mund të ketë dijeni mbi vrasjen e 9-vjeçarit.
Shkak për këto dyshime që tashmë janë depozituar në polici janë disa dëshmia dhe akuza të saj gjatë këtyre ditëve.
Gruaja në fjalë e cila banon afër shtëpisë së viktimës dhe autorit ka dhënë të njëjtat deklarata me Çalamanin para se të gjendej trupi i 9 vjeçarit.
Ka qenë pikërisht i njëjti person ai që i ka thanë familjarëve të Mateos se një makinë kishte kaluar në rrugën pranë shtëpisë, e ndoshta mund të kishte lidhje me humbjen e Mateos.
E njëjta deklaratë është dhënë edhe nga autori gjë e cila ka nxitur më shumë dyshimet e policëve rreth tij.
Gruaja për të cilën familjarët kanë dyshime pritet të merret në pyetje nga grupi i hetuesve për të hedhur dritë jo vetëm mbi ngjarjen, por edhe nëse ka pika kontakti me autorin e saj që mund ta përfshijnë. /albeu.com/
