Në fjalimin e mbajtur në samitin e NATO-s në Turqi, Presidenti i Shteteve të Bashkuara, Donald Trump, përdori tone edhe më të forta ndaj Iranit, duke e përshkruar regjimin në Teheran si “të keq” dhe drejtuesit e tij si “njerëz të sëmurë” dhe “kancer”.
Të lidhura
None found
Ai rikonfirmoi qëndrimin e Uashingtonit se Iranit nuk duhet t’i jepet, në asnjë rrethanë, mundësia për të zhvilluar armë bërthamore.
“Drejtuesit iranianë janë njerëz të këqij. Janë kancer dhe ju e dini se çfarë duhet bërë me kancerin, duhet ta ndalosh sa më shpejt”, deklaroi presidenti amerikan.
Trump përmendi edhe sulmet e raportuara të së martës ndaj anijeve në Ngushticën e Hormuzit, si edhe goditjet kundër objektivave në Kuvajt dhe Bahrein, duke i paraqitur këto si prova se regjimi iranian përbën një rrezik serioz për sigurinë rajonale dhe atë ndërkombëtare.
Kreu i Shtëpisë së Bardhë tha gjithashtu se administrata iraniane është “e çmendur” dhe nënvizoi edhe një herë se SHBA do të vijojë të kundërshtojë çdo tentativë të Iranit për të siguruar kapacitete bërthamore ushtarake.
Duke komentuar armëpushimin mes SHBA-së dhe Iranit, Trump u shpreh se, sipas vlerësimit të tij, ai tashmë ka përfunduar.
“Mendoj se ka përfunduar. Nuk dua të merrem më me ta, janë fundërrina”, u tha ai gazetarëve gjatë samitit të NATO-s.
Presidenti amerikan shtoi se, nga këndvështrimi i tij, kjo çështje është mbyllur, ndërsa akuzoi autoritetet iraniane se “gënjejnë” dhe e konsideroi humbje kohe vijimin e negociatave. “Negociatorët e të dyja palëve mund të flasin, por po humbasin kohën e tyre”, deklaroi Trump.
