Të dhënat zyrtare tregojnë se mbi 15,800 persona kanë humbur jetën këtë vit në Gjermani nga shkaqe të lidhura me vapën e skajshme, duke shënuar një nivel rekord.
Instituti Robert Koch bëri të ditur në raportin e tij javor se grupi më i prekur përbëhej kryesisht nga persona mbi 75 vjeç, të cilët kishin probleme shëndetësore të mëparshme. Sipas institutit, vdekjet zakonisht nuk shkaktohen drejtpërdrejt nga goditja e nxehtësisë, por nga ndërveprimi i temperaturave të larta me sëmundje kardiovaskulare, pulmonare ose të veshkave.
Të lidhura
None found
Në javën e 26-të kalendarike, nga 22 deri më 28 qershor, e cila u karakterizua nga nxehtësi veçanërisht e fortë, u regjistruan 9,600 vdekje. Gjatë kësaj periudhe, temperaturat kapërcyen 40 gradë në shumë zona të vendit. Ndërkohë, nga fundi i korrikut deri më 16 gusht, rreth 4,000 vdekje të tjera u lidhën me vapën.
Ndikimi i temperaturave të larta dhe i thatësirës së zgjatur ishte gjithashtu pjesë e mbledhjes dyditore të kabinetit. Kancelari Friedrich Merz nënvizoi megjithatë se ndërmarrja e masave të nevojshme i takon shteteve.
