Qendra Kombëtare e Uraganeve e SHBA-së bëri të ditur se stuhia tropikale Arthur është krijuar pranë brigjeve të Teksasit dhe se pritet të sjellë reshje të shumta shiu, si edhe përmbytje të rrezikshme.
Sipas autoriteteve meteorologjike, Arthur është stuhia e parë me emër e sezonit të uraganeve në Atlantik për vitin 2026.
Të lidhura
None found
Aktualisht, stuhia është pozicionuar rreth 60 kilometra në lindje-verilindje të Port O’Connor, në Teksas, ndërsa erërat maksimale të qëndrueshme arrijnë në 65 km/orë.
Parashikimet e autoriteteve tregojnë se Arthur mund të sjellë nga 12 deri në 25 centimetra shi. Në disa zona, sasia e reshjeve pritet të shkojë deri në 25 centimetra deri të premten, duke përfshirë Teksasin, Luizianën, Misisipin, Alabamën, si edhe pjesë të Xhorxhias dhe Floridës.
Shërbimi meteorologjik me qendër në Miami ka paralajmëruar se këto zhvillime mund të shkaktojnë përmbytje të menjëhershme, të rrezikshme dhe në disa raste potencialisht kërcënuese për jetën.
Autoritetet u kanë bërë apel banorëve në zonat e prekura që të zbatojnë udhëzimet e emergjencës dhe të tregojnë kujdes maksimal në ditët që vijnë.
