Një ngjarje e rëndë u regjistrua mëngjesin e sotëm në një shkollë të mesme në lagjen Başakşehir të Stambollit, ku tetë nxënëse u plagosën pas një sulmi me thikë.
Të lidhura
None found
Incidenti ndodhi rreth orës 08:35, gjatë një konflikti mes nxënësve. Sipas autoriteteve lokale, e dyshuara për sulmin është një nxënëse 15-vjeçare, e cila u arrestua pas ngjarjes.
Vajzat e dëmtuara u dërguan me ambulanca në Spitalin e Qytetit Başakşehir Çam dhe Sakura, ku morën trajtimin e nevojshëm. Raportimet e para bëjnë të ditur se tre prej tyre ndodhen në gjendje të rëndë.
Prefektura e Stambollit njoftoi se në ambientet e shkollës kishte nisur një përleshje mes nxënësve, e cila përfundoi me disa të plagosur. Në informacionet fillestare u raportua për pesë nxënës të lënduar, por më pas numri i të plagosurave u përditësua në tetë nxënëse.
Menjëherë pas ngjarjes, ekipet mjekësore shkuan në shkollë dhe kryen transportimin e të plagosurave drejt spitalit.
Autoritetet kanë hapur një hetim gjyqësor dhe administrativ për të përcaktuar rrethanat dhe mënyrën se si ndodhi sulmi.
