Një konflikt familjar në provincën e Lecco-s, në Itali, përfundoi me vdekjen e një 49-vjeçari, i cili u godit me thikë nga babai i tij 83-vjeçar.
Të lidhura
None found
Ngjarja tragjike u regjistrua mbrëmjen e së shtunës, më 29 gusht, në shtëpinë ku jetonin së bashku babë e bir. Nga rindërtimi fillestar i autoriteteve dyshohet se, gjatë grindjes, i moshuari mori një thikë kuzhine dhe sulmoi të birin.
Pasi pësoi plagë të rënda, 49-vjeçari u dërgua me ambulancë ajrore në Spitalin San Gerardo në Monza. Megjithatë, ndërhyrja e mjekëve nuk arriti t’ia shpëtonte jetën.
Karabinierët arrestuan 83-vjeçarin pas ngjarjes, nën dyshimin për vrasje. Hetimet e autoriteteve vazhdojnë për të sqaruar të gjitha rrethanat dhe motivin e konfliktit që shkaktoi tragjedinë brenda familjes.
