Putin lartëson Biden: Burrë shteti me përvojë, shumë ndryshe nga Trump

Pas përfundimit të samitit në Gjenevë të Zvicrës mes presidentit amerikan Joe Biden dhe atij rus Vladimir Putin, presidenti Putin ka quajtur homologun e tij amerikan “burrë shteti me përvojë”.

“Ai është shumë ndryshe nga presidenti Donald Trump. Ai është një person konstruktiv, i ekuilibruar, me përvojë. E prisja këtë. Ai foli për familjen e tij dhe bisedimet që bënte me të ëmën. Këto gjëra nuk është se kanë lidhje të drejtpërdrejtë me punët tona, por tregojnë cilësitë dhe vlerat e tij. Kjo nuk do të thotë se duhet të shohim sytë dhe shpirtin e njëri-tjetrit. Ne mbrojmë interesat e shteteve tona dhe kjo bëhet me pragmatizëm”, tha Putin në konferencë.

Takimi i së mërkurës është i pari i Presidentit Joe Biden me Putin që nga marrja e detyrës. Të dy palët pranojnë se marrëdhënia midis dy kombeve është e vështirë dhe nuk ka shumë shpresë për fusha kuptimplota të marrëveshjes.

Shtuar 16.06.2021 18:57