Teknologjia ka shkaktuar një revolucion të frikshëm thuajse në çdo fushë të jetës dhe pritet që ndryshimet të vazhdojnë dhe në fushën e automobilistikës.
Ndoshta kurrë nuk e keni provuar që të ngisni një makinë elektrike, e lëre më të mendoni për të blerë një të tillë, por parashikimet kanë treguar se tregu po shkon drejt kësaj risie përcjell albeu.com.
Shumë vëzhgues të industrisë besojnë se tashmë jemi drejt një të ardhmeje ku rrugët do të mbushen me makina elektrike duke mposhtur makinat me benzinë dhe naftë.
Jaguar planifikon të shesë vetëm vetura elektrike nga 2025, Volvo nga 2030 dhe javën e kaluar kompania britanike e sporteve Lotus tha se do të ndiqte të njëjtin shembull, duke shitur vetëm modele elektrike nga 2028.
Dhe nuk janë vetëm markat premium.
General Motors thotë se do të bëjë vetëm automjete elektrike deri në vitin 2035, Ford thotë se të gjitha automjetet e shitura në Evropë do të jenë elektrike deri në vitin 2030 dhe VW thotë se 70% e shitjeve të saj do të jenë elektrike deri në vitin 2030.
Kjo nuk është vetëm një modë.
Por, fakti që shumë qeveri në të gjithë botën po vendosin objektiva për të ndaluar shitjen e automjeteve me benzinë dhe naftë i jep shtysë serioze procesit.
A po shkon bota drejt makinave elektrike? Duket se po. /albeu.com/
