Donald Trump është “Personi i Vitit” i revistës Time për vitin 2024, duke fituar titullin për herë të dytë.
Time zgjodhi presidentin si personin që mendohet se ka ushtruar ndikimin më të madh në çështjet botërore “për mirë ose për keq”.
Për të festuar titullin, si dhe zbulimin e kopertinës, Donald Trump pritet të jetë i pranishëm gjatë hapjes së Bursës së Nju Jorkut.
Për herë të parë, Donald Trump u shpall personi i vitit në vitin 2016, kur u zgjodh papritur në presidencën e Shteteve të Bashkuara, ndërsa hera e dytë përkon me rikthimin e tij në Shtëpinë e Bardhë. Megjithatë, dallimi është kthyer në një obsesion në të kaluarën për presidentin e zgjedhur, i cili ka thënë publikisht se nuk do ta merrte kurrë këtë titull. Në fakt, në shumë prej klubeve të golfit që ai zotëron, ishte varur një kopertinë e revistës, e cila e shpalli atë personin e vitit në vitin 2009, megjithëse një numër i tillë nuk ishte shtypur kurrë.
Nëpërmjet llogarisë së tij të ndjekur gjerësisht në Twitter, Trump rregullisht mbante qëndrim për zgjedhjet e revistës dhe promovoi llogaritë që e nominuan atë.
Në të njëjtën kohë, ai kishte shprehur ankesa, ose për shkak se ai vetë nuk ishte në lista, ose për përzgjedhjen e Taylor Swift në vitin 2023.
E ndërsa në vitin 2016 Donald Trump më në fund arriti titullin që donte, duke folur për një “nder të madh”, ai vazhdoi të monitoronte nga afër rezultatet dhe të protestonte. Në vitin 2017 ai pretendoi se revista donte t’i riaktiste titullin, por ai nuk pranoi një intervistë dhe sesion fotografik. Time kishte kundërshtuar pretendimet e tij.
