Radha e gjatë e kamionëve të bllokuar me ndihma për katastrofën në Rripin e Gazës, që presin prej javësh në anën egjiptiane të kufirit, është një tërbim moral, tha sot sekretari i përgjithshëm i Kombeve të Bashkuara, Antonio Guterres gjatë një vizite në pikën e kalimit në Rafah.
Është koha që Izraeli të përkushtohet për lejimin e pandaluar të ndihmës humanitare drejt Gaza, tha më tej Guterres, duke bërë gjithashtu thirrje për armëpushim humanitar dhe lirim të pengjeve në Gaza.
OKB thotë se do të vazhdojë të punojë me Egjiptin për të lehtësuar kalimin e ndihmës drejt Gaza.
Vizita e Guterres vjen pas shtimit të presionit ndërkombëtar ndaj Izraelit për të lejuar kalimin e ndihmave në Gaza, krahina palestineze e shkatërruar nga më shumë se pesë muaj bombardime të Izraelit që thotë se po lufton militantët e Hamas.
Ende nuk ka shpresa konkrete për një armëpushim në muajin musliman të Ramazanit, ndërsa situata humanitare bëhet gjithnjë e më e dëshpëruar.
Agjencitë humanitare thonë se më pak se një e pesta e ndihmave është lejuar të kalojë deri tani ndërsa disa mijëra kamionë me ushqime e pajisje humanitare presin në veri të gadishullit Sinai për të hyrë në Gaza.
Më shumë se 32,000 njerëz janë vrarë nga fushata ushtarake e Izraelit në Gaza, shumë prej tyre gra e fëmijë, ndërsa qytete të tëra janë rrafshuar nga bombat me kufoma ende nën rrënoja.
Izraeli nisi sulmet në kundërpërgjigje të një sulmi të grupit Hamas ku u vranë më shumë se 1000 njerëz brenda Izraelit dhe rreth 250 janë marrë peng, sipas shifrave izraelite.
Guterres po viziton Egjiptin e Jordaninë si pjesë e udhëtimit të solidaritetit me vendet muslimane gjatë muajit të Ramazanit.
Ai pritet të jetë sonte gjithashtu në Sudan, vendi i varfër i përfshirë nga një luftë civile e papritur nga grupe rebele anti-qeveritare.(Reuters March 23)
