Gjatë takimit bilateral në Kinë, Donald Trump theksoi “marrëdhënien shumë të veçantë” që ka me Xi Jinping, teksa parashtroi një nga kërkesat e para të Shteteve të Bashkuara për rritjen e importeve kineze të produkteve bujqësore amerikane.
Presidenti amerikan u shpreh se Kina ka një “oreks të pangopur” që Uashingtoni mund ta kënaqë, duke iu referuar interesit për mallrat amerikane.
Të lidhura
None found
“Do t’ju kërkoj të bëni diçka më shumë për fermerët tanë”, i tha ai homologut të tij kinez.
Duke folur për bisedën dy-orëshe të zhvilluar një natë më parë, Trump vuri në dukje se “diskutuam shumë çështje” dhe shfaqi besimin se “diçka do të dalë nga negociatat dypalëshe”.
Në po të njëjtin kontekst, presidenti amerikan përmendi edhe konfliktin në Ukrainë, duke deklaruar se të dy liderët synojnë të japin një kontribut të përbashkët për zgjidhjen e tij.






