Vendasit raportohet se nuk guxojnë më të afrohen në ishullin Gaiola edhe pse aty mund të shkohet me not nga brigjet e Napolit në Itali, pasi besojnë se është “i mallkuar” dhe sjell fatkeqësi.
Ishulli në pronësi private besohet se ka sjellë disa fatkeqësi për pronarët e tij.
Në të gjenden dy vila të vjetëruara dhe disa rrugë misterioze, teksa sipas legjendës, thuhet se aty ka jetuar më parë poeti eremit roman Virgil, i cili priste në Gaiola nxënësit e tij për t’i mësuar.
Shkrimtari i shekullit të 19-të që njihej asokohe si ‘Il Mago’ jetonte vetëm me bamirësitë e detarëve dhe nxënësve të tij, por një ditë u zhduk papritur, siç besohet i vrarë nga dashakeqësit.
Ishulli më pas u mor në pronësi nga biznesmeni i njohur peshkimit Luigi de Negri, i cili ka ndërtuar vilën që mbetet aty sot, por shpejt dhe ku i fundit falimentoi pas blerjes së ishullit.
Detari i i shekullit të 20-të Gaspare Albenga u interesua të blinte ishullin në 1911 por një herë teksa lundronte pranë tij u përplas në shkëmbinjtë dhe humbi jetën.
Vendasit thonë se anija dhe trupi i tij nuk u gjetën kurrë.
Një biznesmen që mori kontrollin e ishullit në vitet 1920 u vra në një atentat, edhe një industrialist zvicerjan Maurice Yves Sandoz që mori kontrollin më pas, u çmend dhe përfundoi në klinikë të shëndetit mendor, shkruan rrjeti Citalia.
Më së fundmi pronari më i famshëm i ishullit është italiani i njohur Gianni Agnelli, pronar i kompanisë Fiat dhe nga më të pasurit në Itali, të cilit i vdiq i biri nga vetëvrasja.
Legjendat e ishullit janë një atraksion interesat për turistët Napolit megjithë ngjyrimet e tyre makabre, por ishulli nuk është i hapur për publikun për të parë nëse vizitorët do të frikësoheshin apo jo prej tyre.
