Në një deklaratë të rrallë publike në lidhje me shëndetin e Princeshës së Uellsit, Kate Middleton, e cila po i nënshtrohet kimioterapisë parandaluese për kancerin, Princi William tha të premten se gruaja e tij “po shkon mirë”.
Gjatë një vizite në spitalin në Ishujt Scilly, pranë Cornwall, trashëgimtari i fronit britanik u pyet për shëndetin e Kate, duke theksuar se ajo “po shkon mirë, faleminderit”.
William, i cili është në një vizitë dy-ditore në zonë, pa vendin e një programi të ri për të luftuar të pastrehët, kaloi kohë në plazh me vendasit dhe vizitoi spitalin e komunitetit.
Kate njoftoi në mars se pas operacionit abdominal në fillim të këtij viti, ajo ishte diagnostikuar me kancer.
Në atë kohë ajo tha se ishte mirë, por zyra e çiftit mbretëror sqaroi se ajo nuk do të bënte përditësime të rregullta për shëndetin e saj dhe nuk do të kthehej në detyrat publike derisa mjekët të vlerësonin se gjendja e saj e lejonte këtë.
