Presidenti i SHBA Joe Biden, duke qëndruar përgjatë skajit lindor të NATO-s në Poloni, lëshoi një paralajmërim të ashpër ndaj Vladimir Putinit të Rusisë të shtunën: “Mos e çoni ndërmend as të lëvizni në një centimetër të vetëm të territorit të NATO-s”.
Biden e bëri paralajmërimin gjatë një fjalimi në Varshavë. Ai tha se SHBA-ja ishte e përkushtuar ndaj detyrimeve të mbrojtjes kolektive të përcaktuara në kartën e NATO-s.
Por Biden e bëri të qartë se konflikti aktual në Ukrainë, jo një anëtare e NATO-s, nuk kërkon që Amerika të përfshihet drejtpërdrejt.
“Forcat amerikane nuk janë në Evropë për t’u përfshirë në konflikt me forcat ruse, forcat amerikane janë këtu për të mbrojtur aleatët e NATO-s,”, tha ai./albeu.com
