Kryetari i Partisë Demokratike, Sali Berisha, iu përgjigj deklaratës së drejtorit të Policisë së Shtetit, Skënder Hitaj, duke e akuzuar ekzekutivin se po mundohet të vërë nën kontroll veprimtarinë e qytetarëve në rrjetet sociale.
Ai e konsideroi qëndrimin e drejtuesit të Policisë së Shtetit si shkelje të lirisë së shprehjes dhe pohoi se kjo nismë lidhet me protestat e fundit kundër qeverisë.
Të lidhura
None found
Sipas Berishës, kjo përbën një lloj “policimi digjital” ndaj qytetarëve. Kreu i PD-së bëri të ditur se opozita do të kërkojë ngritjen e një komisioni hetimor parlamentar për ta shqyrtuar këtë çështje.
Berisha ngriti akuza ndaj qeverisë se po përpiqet të kufizojë lirinë e shprehjes në hapësirën online, duke e përshkruar këtë qasje si “një hap tjetër drejt ajatollahëve”.
