Gjatë mbledhjes së Kryesisë së Partisë Demokratike, kryetari Sali Berisha deklaroi se lëvizjet protestuese të ditëve të fundit nuk përmbajnë asnjë element që lidhet me “Antifa-n”, sigurse pretendon kryeministri Edi Rama.
“Ai sillet si kumbar. Bën çmos që të ngrejë një mur mbrojtës dhe ta paraqesë protestën si Antifa, por nuk ka asnjë element, absolutisht zero. Dëgjoni studentët, fëmijë emigrantësh që janë rritur pa njërin prind, tashmë burra e gra të reja që u formuan pa pasur njërin nga prindërit pranë. Sepse ky i dëboi me politikat e veta,” tha Berisha.
Të lidhura
None found
Sipas liderit demokrat, Rama është pushtuar nga paniku sepse ndien se çasti i përballjes me pasojat e veprimeve të tij po afrohet.
“Ka një tmerr të madh se dita kur duhet të japë hesap po vjen, i ka humbur arsyeja dhe logjika, dhe është hedhur në kërcënime bajate e vulgare që dëshmojnë tërë psikologjinë e tij, gjenet e tij prej frikacaku, dhe vijon me kërcënime nga më të ndryshmet ndaj protestuesve.
Në mëngjes i thërret për bisedime, por sapo ia kthejnë përmbys, del me një fjalim tjetër. Kujton se forca monetare e bankave mund ta kthejë kundër protestës.
Bankat nuk veprojnë sipas tekave të një narko-diktatori, por sipas ligjeve kombëtare dhe rregullave ndërkombëtare të sektorit financiar bankar.
Sot ai i kanosi protestuesit me lista të zeza dhe bllokim pasaportash. I nxjerr të gjitha nga arkivat e të parëve të tij.
Shihni çfarë hipokrizie, çfarë pretendimesh ka ky njeri. Flet për dëme, ndërsa vetë ka ndërtuar pallate me paratë e prindërve të atyre që postojnë. Ka rrethuar rezidencat e veta me një park që s’e ka as pallati mbretëror,” u shpreh Berisha.
