BE: Nuk do ta njohim qeverinë e talebanëve në Afganistan

Bashkimi Europian ka thënë se nuk do të njohë talebanët si qeverinë e re të Afganistanit, raporton albeu.com.

Shefi i Punëve të Jashtme të BE Josep Borrell tha se çdo angazhim do t’i nënshtrohej kushteve të rrepta dhe do të ishte vetëm për të mbështetur popullin afgan.

Uashingtoni ka marrë një qëndrim të ngjashëm, por Rusia dhe Kina kanë treguar të dy një qëndrim më të butë.

BE-ja tha gjithashtu se synonte të koordinonte kontaktet e saj me talebanët përmes një pranie të përbashkët të BE-së në Kabul për të mbikëqyrur evakuimet dhe për të siguruar që një qeveri e re afgane të përmbushë angazhimet për çështjet përfshirë sigurinë dhe të drejtat e njeriut.

“Ne kemi vendosur të punojmë në një mënyrë të koordinuar, nëse plotësohen kushtet e sigurisë”,  tha ai në një takim të ministrave të jashtëm të bllokut në Slloveni.

Ai tha gjithashtu se BE do të bashkërendojë fuqishëm në Afganistan me SHBA, G7, G20 dhe organizata të tjera dhe se do të inicojë një platformë politike rajonale të bashkëpunimit me fqinjët e vendit./albeu.com


Shtuar 3.09.2021 14:51